உங்களது ஜிமெயில் கணக்கினை நீங்களே அழகுபடுத்திக் கொள்ள

ஜிமெயில் நிறுவனம் ஈமெயில் சேவையில் முதலிடத்தில் இருக்கும் நிறுவனம் ஆகும். ஈமெயில் சேவையில் அதிக பயனாளர்களை பெற்று வரும் நிறுவனத்தில் ஜிமெயில் நிறுவனமும் ஒன்றாகும். இந்தியாவில் ஈமெயில் சேவையில் முதலிடத்தில் இருந்த யாகூ நிறுவனத்தை கடந்த வருடம் பின்னுக்கு தள்ளி விட்டு முதலிடத்துக்கு முன்னேறியது. அதற்கு முழுகாரணமும் ஜிமெயில் நிறுவனம் அளிக்கும் புதுப்புது வசதிகள் மட்டுமே ஆகும். அந்த வகையில் ஜிமெயில் நிறுவனம் புதியதாக அறிமுகப்படுத்தியுள்ள சேவை தான் ஜிமெயிலின் பேக்ரவுண்டை நமது விருப்பபடி மாற்றியமைத்துக் கொள்ளும் வசதி ஆகும். இந்த வசதியின் மூலம் நம்முடைய மின்னஞ்சல் முகவரியை நாமே அலங்கரிக்க முடியும். முதலில் மின்னஞ்சல் பயனர் முகவரி மற்றும் கடவுச்சொல்லை உள்ளிட்டு உள்நுழையவும். பின் Settings என்னும் சுட்டியை அழுத்தவும். தோன்றும் விண்டோவில் Themes என்னும் பொத்தானை அழுத்தவும். அடுத்ததாக தோன்றும் விண்டோவில் Create your own theme என்பதை தேர்வு செய்யவும். அடுத்ததாக தோன்றும் விண்டோவில் வேண்டிய லிங் கலர், டெக்ஸ்ட் கலர் போன்றவற்றை தேர்வு செய்யவும். கலரை தேர்வு செய்து வேண்டிய படத்தையும் பேக்ரவுண்டில் அமைத்துக் கொள்ள முடியும். Picasa வில் உள்ள படத்தை பேக்ரவுண்டாக அமைத்துக் கொள்ள முடியும். இல்லையெனில் நம்முடைய கணணியில் உள்ள படத்தையும் பேக்ரவுண்டாக அமைத்துக் கொள்ள முடியும். கடைசியாக Save பொத்தானை அழுத்தி சேமித்துக் கொள்ளவும். இந்த முறையை பின்பற்றி உங்களுடைய ஜிமெயில் கணக்கினை நீங்களே அழகுபடுத்த முடியும்.